ਜਿਉਤੀ ਜੈਨ
ਮਖਮਲੀ ਗੱਦੇ ਉੱਪਰ ਇੱਧਰ-ਉੱਧਰ ਕਰਵਟਾਂ ਬਦਲ ਰਹੇ ਰਾਕੇਸ਼ ਤੇ ਮਾਇਆ ਇਕ ਦੂਜੇ ਨੂੰ ਦੇਖਦੇ ਖਿਝ ਕੇ ਆਖਰ ਉੱਠ ਹੀ ਗਏ। ਦੋਹਾਂ ਨੂੰ ਨੀਂਦ ਨਾ ਆਉਣ ਦੀ ਵੱਡੀ ਬੀਮਾਰੀ ਸੀ।
‘ਕੰਬਖਤ ਏ.ਸੀ. ’ਚ ਵੀ ਘੁਟਨ ਹੁੰਦੀ ਹੈ।’ ਬੁੜਬੁੜਾਉਂਦੇ ਹੋਏ ਰਾਕੇਸ਼ ਪੈਰਾਂ ਵਿਚ ਸਲੀਪਰ ਪਾ ਬਾਲਕੋਨੀ ਵਿਚ ਆ ਖੜਾ ਹੋਇਆ।
ਤਦੇ ਥੋੜੀ ਦੂਰ ਤੋਂ ਆ ਰਹੀ ਖਰਾਟਿਆਂ ਦੀ ਆਵਾਜ਼ ਸੁਣ ਉਹਦੇ ਕੰਨ ਤੇ ਅੱਖਾਂ ਉਸ ਦਿਸ਼ਾ ਵੱਲ ਧਿਆਨ ਦੇਣ ਲੱਗੇ। ਇਹ ਆਵਾਜ਼ਾਂ ਉਹਨਾਂ ਦੇ ਸਰਵੈਂਟ ਕੁਆਟਰ ਦੀ ਛੱਤ ਤੋਂ ਆ ਰਹੀਆਂ ਲਗਦੀਆਂ ਸਨ। ਉਹਨੇ ਧਿਆਨ ਨਾਲ ਦੇਖਿਆ ਤਾਂ ਉੱਥੇ ਉਹਨਾਂ ਦਾ ਨੌਕਰ ਰਾਧੇ ਤੇ ਉਹਦੀ ਪਤਨੀ ਲਾਲੀ ਦਿਨ ਭਰ ਦੀ ਥਕਾਵਟ ਤੋਂ ਬਾਦ ਸਕੂਨ ਭਰੀ ਗਹਿਰੀ ਨੀਂਦ ਦੀ ਬੁੱਕਲ ਵਿਚ ਸਨ।
ਹਲਕੇ-ਹਲਕੇ ਖਰਾਟੇ ਰਾਕੇਸ਼ ਨੂੰ ਚੰਗੇ ਲੱਗ ਰਹੇ ਸਨ।
-0-
No comments:
Post a Comment