ਸੁਕੇਸ਼ ਸਾਹਨੀ
ਉਦਘਾਟਨ ਸਮਾਗਮ ਵਿੱਚ ਬਹੁਤ ਸਾਰੇ ਖੂਬਸੂਰਤ, ਗੋਲ-ਮਟੋਲ ਗੁੱਬਾਰਿਆਂ ਵਿੱਚ ਇੱਕ
ਕਾਲਾ, ਬਦਸੂਰਤ ਗੁੱਬਾਰਾ ਵੀ ਸੀ। ਸਾਰੇ ਉਹਦਾ ਮਖੌਲ ਉਡਾ ਰਹੇ ਸਨ।
“ਵੇਖੋ, ਕਿੰਨਾ ਬਦਸੂਰਤ ਹੈ!“ ਗੋਰੇ-ਚਿੱਟੇ ਗੁੱਬਾਰੇ ਨੇ ਮੂੰਹ
ਬਣਾਉਂਦੇ ਹੋਏ ਕਿਹਾ, “ਵੇਖਕੇ ਹੀ ਉਲਟੀ ਆਉਂਦੀ ਹੈ।”
“ਓਏ ਮਰੀਅਲ!” ਸੇਬ ਵਰਗਾ ਲਾਲ ਗੁੱਬਾਰਾ ਬੋਲਿਆ, “ਤੇਰੀ ਤਾਂ ਦੋ ਮਿੰਟਾਂ ’ਚ ਈ ਟੈਂ ਬੋਲ ਜੂਗੀ, ਭੱਜ ਜਾ ਇੱਥੋਂ।”
“ਭਰਾਓ, ਜਰਾ ਇਹਦੀ ਸ਼ਕਲ ਤਾਂ ਦੇਖੋ,” ਹਰੇ-ਭਰੇ ਗੁੱਬਾਰੇ ਨੇ ਹੱਸਦੇ ਹੋਏ
ਕਿਹਾ, “ਜਮਾਂਦਰੂ ਭੁੱਖੜ ਲਗਦਾ ਹੈ।”
ਸਭ ਹੱਸਣ ਲੱਗੇ, ਪਰ ਬਦਸੂਰਤ ਗੁੱਬਾਰਾ ਕੁਝ ਨਹੀਂ ਬੋਲਿਆ।। ਉਹਨੂੰ ਪਤਾ ਸੀ ਉੱਚਾ ਉੱਠਣ
ਦਾ ਸਬੰਧ ਰੰਗਤ ਨਾਲ ਨਹੀਂ, ਸਗੋਂ ਇਸ ਗੱਲ ਉੱਤੇ ਨਿਰਭਰ ਕਰਦਾ
ਹੈ ਕਿ ਉਸਦੇ ਅੰਦਰ ਕੀ ਹੈ।
ਜਦੋਂ ਗੁੱਬਾਰੇ ਛੱਡੇ ਗਏ ਤਾਂ ਕਾਲਾ ਤੇ ਬਦਸੂਰਤ ਗੁੱਬਾਰਾ ਸਭ ਤੋਂ ਅੱਗੇ ਸੀ।
-0-
No comments:
Post a Comment