ਜਯਾ
ਨਰਗਿਸ
ਮੈਦਾਨ ਵਿੱਚ ਫੁੱਟਬਾਲ ਦਾ ਮੈਚ ਹੋ ਰਿਹਾ ਸੀ। ਦੋਨੋਂ ਟੀਮਾਂ ਅੱਵਲ
ਦਰਜੇ ਦੀਆਂ। ਟੱਕਰ ਬਰਾਬਰੀ ਦੀ। ਦਰਸ਼ਕਾਂ ਦੇ ਸਿਰ ਉੱਪਰ ਜਨੂਨ ਸਵਾਰ। ਆਪਣੀ-ਆਪਣੀ ਟੀਮ ਦੇ ਪੱਖ ਵਿੱਚ ਜ਼ੋਰਦਾਰ ਮੁਹਿੰਮ ਛੇੜੀ ਹੋਈ।
ਹਰ ਗੋਲ ਮਗਰੋਂ ਜਨੂਨ ਦਹਸ਼ਤ ਵਿੱਚ ਬਦਲਦਾ ਹੋਇਆ। ਮਾਰੋਮਾਰ ਵਾਲਾ
ਮੁਕਾਬਲਾ ਅਚਾਨਕ ਖੂਨ-ਖਰਾਬੇ ਵਿੱਚ ਤਬਦੀਲ ਹੋ ਗਿਆ। ਖਿਡਾਰੀਆਂ ਨੂੰ
ਗੁੱਥਮਗੁੱਥਾ ਹੋਏ ਦੇਖ, ਦਰਸ਼ਕ ਵੀ ਮੈਦਾਨ ਵਿੱਚ ਕੁੱਦ ਪਏ। ਪਾਨੀਪੱਤ ਦੀ ਲੜਾਈ
ਸਾਕਾਰ ਹੋ ਉੱਠੀ।
ਖਾਲੀ ਪਈ ਦਰਸ਼ਕ ਗੈਲਰੀਆਂ ਵਿੱਚ ਪੁਲਿਸ ਪੱਸਰ ਗਈ। ਖਿਡਾਰੀ ਮੈਦਾਨ ਛੱਡ
ਕੇ ਭੱਜ ਚੁੱਕੇ ਹਨ। ਪਰ ਦਰਸ਼ਕਾਂ ਵਿੱਚ ਘਮਾਸਾਨ ਜਾਰੀ ਹੈ। ਤੇ
ਪੁਲਿਸ ਨਵੇਂ ਦਰਸ਼ਕਾਂ ਦੇ ਰੂਪ ਵਿੱਚ ਇਸ ਖੂਨੀ ਖੇਡ ਦਾ ਮਜ਼ਾ ਲੈ ਰਹੀ ਹੈ।
-0-
