ਸ਼ਰਦ
ਸਿੰਘ (ਡਾ.)
ਉਹ ਮੰਗਤੀ ਸੀ-ਜਵਾਨ ਤੇ ਸੁੰਦਰ ਮੰਗਤੀ। ਉਹ ਇਕ ਕਾਰ ਕੋਲ ਪਹੁੰਚੀ ।
ਉਸਨੇ ਕਾਰ ਅੰਦਰ ਬੈਠੇ ਆਦਮੀ ਨੂੰ ਗਿੜਗਿੜਾਉਂਦੇ ਹੋਏ ਕਿਹਾ, “ਦੋ ਦਿਨਾਂ ਤੋਂ ਇਸ ਪਾਪੀ ਪੇਟ ’ਚ ਅੰਨ ਦਾ ਇਕ ਦਾਣਾ ਵੀ ਨਹੀਂ
ਗਿਆ… ਕੁਝ ਦੇ ਦਿਓ, ਬਾਬੂ ਜੀ!…ਰੱਬ ਤੁਹਾਡਾ ਭਲਾ ਕਰੂਗਾ,
ਬਾਬੂਜੀ!
ਮੰਗਤੀ ਦੀ ਗੱਲ ਸੁਣਕੇ ਕਾਰ ਵਿਚ ਬੈਠੇ ਹੋਏ ਆਦਮੀ ਨੇ ਇਕ ਭਰਪੂਰ ਨਜ਼ਰ ਉਸਦੇ ਸਰੀਰ ਉੱਤੇ
ਮਾਰੀ ਤੇ ਲਲਚਾਈ ਆਵਾਜ਼ ਵਿਚ ਕਿਹਾ, “…ਬਦਲੇ ’ਚ ਤੂੰ ਮੈਨੂੰ ਕੀ ਦੇਵੇਂਗੀ?”
ਇਹ ਸੁਣਦੇ ਹੀ ਮੰਗਤੀ ਨੇ ਆਪਣੇ ਮੱਥੇ ਉੱਤੇ ਹੱਥ ਮਾਰਦੇ ਹੋਏ ਕਿਹਾ, “ਧੱਤ ਤੇਰੇ ਦੀ! ਮੈਂ ਵੀ ਕਿਸ ਭਿਖਾਰੀ ਤੋਂ ਭੀਖ ਮੰਗ ਲਈ!”
ਤੇ ਉਸ ਆਦਮੀ ਨੇ ਝੇਂਪ ਕੇ ਆਪਣੀ ਕਾਰ ਅੱਗੇ ਵਧਾ ਲਈ।
-0-
No comments:
Post a Comment